Ég var að blaða í gegnum gömul jólablöð og fann þá þessar dýrlegu myndir sem hafa elst afar vel. Ég lagði þarna á borð fyrir Hús og híbýli en myndirnar tók Gísli Egill Hrafnsson.
Dýraskálarnar hannaði Hella Jongerius árið 2004 fyrir hið rótgróna þýska postulínsfyrirtæki Nymphenburg. Ég geri ráð fyrir að hún eigi þátt í endurkomu postulínsfígúranna - hafi kannski startað því mikla trendi ...
Og talandi um Sirku á Akureyri, þá vil ég endilega koma á framfæri að þessi frábæru desemberkerti fást þar í einum pakka, en þau eru kærkomin tilbreyting frá dagatalakertinu góða úr Blómavali.
Ferm-living framleiðir þetta krúttlega jólatrésskraut - sem minnir óneitanlega á Fauna-púðana og leikföngin frá Bookhou ... en hvað um það, sætt engu að síður. Vörur Ferm-living fást í Sirku, Akureyri.
Þetta fallega sjö vasa sett er hönnun Tse-tse. Ég gæti trúað því að silkifura eða thuja færi þessum vösum afar vel - en þeir fást í Kisunni (mynd Gaile).